"OTGO art"
Үзэсгэлэн, Уран бүтээлч
ОТГО
2012.8.10-8.30
Tsagaandarium Art Gallery & Museum, Ulaanbaatar, Mongolia
Үзэсгэлэнгийн нээлт:
2012 оны 8 сарын 10 нд 18-20 цаг (урилгатай)
Үзэсгэлэнгийн
нээлтийг нээж Монгол улсын Ардын уран зохиолч Бавуугийн Лхагвасүрэн,
урлаг судлаач багш Сэнгшадавын Чулуунцэцэг нар үг хэлнэ.
OTGO art tel.: 99791822 (Монгол)
Сэтгүүлчдэд: mongol_pdf english_pdf deutsch_pdf
Герман
улсын нийслэл Берлин хотод хоёр жилийн өмнөөс ЗУРАГ нэртэй уран зургийн
галерей ажиллуулж зөвхөн Монгол төдийгүй олон орны уран бүтээлчдийн 20
гаруй үзэсгэлэнг зохион байгуулсан Э.Отгонбаярын бие даасан ОТГО арт
нэртэй үзэсгэлэн энэ оны 8 сарын 10-30 хооронд Цагаандариум Арт Галерей
& Музей-д болох гэж байна.
ЗУРАГ галерейг үүсгэн
байгуулагч, галерейч, зураач, урлаг судлаач Э.Отгонбаяр нь эх орондоо
Монгол зургийн ангийг 1998 онд дүүргэж улмаар уран бүтээлч, Монгол
зураг болон Монголын түүх судлаачаар бие даан ажиллаж байгаад 2005 онд
Берлинд ирж тус хот дахь Герман Улсын Урлагийн Их Сургуульд урлаг
судлаач, урлагийн менежер мэргэжлээр 3 жил суралцан мастерийн зэргээр
төгссөн. Тэрбээр европын холбооны ихэнх улсад бие даасан болон хамтын
үзэсгэлэнгүүдэд оролцон зохион байгуулж байсан туршлагатай.
Өнгөрсөн
онд Германы телевизээр бүтээл туурвилынх нь тухай “ЗУРАГ” баримтат кино
гарч, урлагт дуртай германчуудыг бишрүүлсэн байна. Уг баримтат киног
дараа нь манай Үндэсний телевизийн уран бүтээлчид эх орон даяар цацсан
байсан нь саяхан билээ.
Сүүлийн долоон жил Монголдоо үзэсгэлэн
гаргаагүй тэрээр энэ удаагийн үзэсгэлэндээ их ач холбогдол өгч байгаа
юм байна. Түүний шинэ үзэсгэлэнд том жижиг 20 орчим уран бүтээл орсноос
хамгийн анхаарал татаж байгаа нь 660 x 217 см хэмжээ бүхий ХҮН нэртэй
зураг байх юм. Уг зурганд 11000 гаруй хүн амьтны дүрслэл орсон нь
Монголдоо төдийгүй дэлхийн урлагийн түүхэнд урьд өмнө байгаагүй хамгийн
олон хүн дүрслэгдсэнээрээ онцгой юм.
Та Цагаандариум Галерей-д ирж түүний уран бүтээлийг үзээрэй.
TSAGAANDARIUM
Art Gallery & Museum
Zaisan, Bella Vista Town
Wed-Sun 12:00-20:00
Tel.: 77114545
www.tsagaandarium.org
www.mongolian-art.de
www.zurag.de
OTGO art: 99791822
MT TV - Mongolia - Buteel turuh agshin
SCH TV - Mongolia - TV Urlan
